Radio Estrada é a gañadora do 19º Premio de  Xornalismo e Comunicación, despois de que o xurado repasase os traballos que realizaron os distintos medios. Decántase por esta emisora municipal "pola cobertura informativa que realiza do municipio e, en particular, polo labor divulgativo que realiza da  Festa  do Galo de Curral. Unha das súas locutoras e ademais veciña da parroquia de  Camanzo, María José  Chorén, apunta que "ningún nos esperabamos esta distinción, e estamos encantados de que nos escolleran". Apunta que nos informativos da emisora, tanto no de mediodía como no de última hora da tarde, inclúese unha sección de comarcas, da que se encarga ela mesma, e na que se ofrece de forma pormenorizada información dos municipios de Deza e Tabeirós-Montes. "Agora, desde hai semanas, dámoslle máis cobertura á  Festa  do Galo de  Curral", apostila.

Para acceder á información completa (Faro de Vigo), prema aquí.

 

 

 

O alcalde da Estrada, José López Campos, o presidente do Centro de Iniciativas e Turismo, Manuel Reimóndez, e a hostaleira Adriana Abelleiro Cusido, presentaron en rolda de prensa novidades da XLV Festa do Salmón. Xunto co deseño do cartaz desta edición, anunciaron que o pregoeiro será o neurocientífico Carlos Acuña Castroviejo e que as insignias do Salmón de Ouro entregaranse, ademais do pregoeiro, á Coral Polifónica Estradense e á Fundación Casa Ducal de Medinaceli.